Тошкентдаги ёнғинда ҳалок бўлган ФВВ офицери Самарқандда дафн этилди
Дафн маросимида ФВВ раҳбарияти ва шахсий таркиби, марҳумнинг яқинлари ҳамда кенг жамоатчилик вакиллари иштирок этди.
Бугун, 15 август куни Учтепа туманида содир бўлган ёнғинда хизмат вазифасини бажариш чоғида ҳалок бўлган Фавқулодда вазиятлар вазирлиги (ФВВ) Махсус қутқарув баталёни отряд командирининг ўринбосари – гуруҳ командири, капитан Бобурмирзо Пардаев Самарқанд вилоятининг Каттақўрғон шаҳрида дафн этилди.
Дафн маросимида ФВВ раҳбарияти ва шахсий таркиби, марҳумнинг яқинлари ҳамда кенг жамоатчилик вакиллари иштирок этди.
Марҳум офицер ҳарбий анъанага мувофиқ, ҳарбий шараф билан сўнгги манзилига кузатилди.
Капитан Бобурмирзо Пардаев эл-юрт осойишталигини таъминлаш ва инсонлар асраш йўлида хизмат бурчини бажариш чоғида ҳалок бўлди.
Марҳумнинг жасорати ва Ватанга садоқати ҳамда унинг қутқарувчилик фаолияти ҳамкасблари ва яқинлари хотирасида сақланиб қолади.
Эслатиб ўтамиз, капитан шахсан 7 кишини ёнаётган уйдан олиб чиққан. Бироқ ёнғинни бартараф этиш вақтида том қисми тўсатдан қулаб тушган ва қутқарувчи ҳалок бўлган.
