Жумладан, энди тиббий буюмларни ишлаб чиқариш, тайёрлаш, улгуржи реализация қилиш, дори воситалари ва тиббий буюмларни яратиш бўйича илмий-тадқиқот ишларини олиб боришда лицензиясиз фаолият олиб бориш мумкин.
Бундан ташқари, дори воситалари ва тиббий буюмлар сифатини назорат қилиш, доривор ўсимлик хомашёсини қадоқлаш ва улгуржи сотиш жараёнлари учун ҳам лицензия талаб этилмайди.
Эслатма: хабардор қилиш ёки рухсат этиш хусусиятига эга бўлган ҳужжатни талаб этадиган фаолият турлари бундан мустасно. Бунда лицензия олмаган корхона ёки цех жуда кўп миқдорда даромад топадиган бўлса, жиноий жавобгарликка сабаб бўлади. Бунинг учун корхона ёки цех эгаси лицензия олиши шарт ҳисобланади.
Бундан аввал фармацевтика саноатида зарур амалиётлар маркази ташкил этилгани, ўзини ўзи банд қилган шахс сифатида мустақил ҳамширалик билан шуғулланишга рухсат берилгани ҳамда мамлакатимизда фармацевтикага ихтисослашган янги университет ташкил этилгани ҳақида хабар берилганди.
Оламгир Абдиев