Чегарадаги қоидаларда таниш-билишчилик ўтмайди
Божхона қоидаларини бузиб маҳсулотни чегарадан ноқонуний олиб ўтган шахслар ушланди.
Бу ҳақда Чегара қўшинлари матбуот хизмати хабар қилди.
Янгиқўрғон туманидаги "Қизилёзи" блокпости Нанай – Наманган йўналишида ҳаракатланиб келаётган "Lacetti" белгиланган тартибда тўхтатилиб текширилди. Шунда втомобиль салонида божхона қоидаларини бузиб чегарадан олиб ўтилган, чет элда ишлаб чиқарилган, умумий нархи 150 миллион сўмга тенг уяли алоқа воситалари борлиги аниқланган.
Шунга ўхшаш яна бир ҳолат ушбу блогпостда сдир этилган. Нанай — Чортоқ йўналишида ҳаракатланиб бораётган "Hyundai" автмобильи тўхтатилиб текширилганда, чегарадан ноқонуний йўллар билан мамлакатга олиб кирилган, умумий қиймати 400 миллион сўмга тенг озиқ-овқат, қишлоқ хўжалиги ва маиший техника воситалари борлиги аниқланган.
Ҳозирда содир этилган ҳуқуқбузарликлар юзасидан тегишли идоралар томонидан суриштирув ишлари олиб борилмоқда.
Аввалроқ Деновда тез ёрдам ҳайдовчиси катта миқдордаги гиёҳванд моддалар билан қўлга тушгани ҳамда алкоголь маҳсулотларини ноқонуний муомалага киритган шахслар қўлга олингани ҳақида хабар берилганди.
Муножат Валиева
