Эрон вице-президенти: Етарли салоҳиятимиз бўлса-да, атом бомбаси яратганимиз йўқ
Теҳрон Исроилни ёлғон маълумот тарқатишда айблади.
Теҳронни ядро қуроли яратишда асоссиз айблашмоқда. Бу ҳақда Эрон вице-президенти ва атом энергетикаси ташкилоти раҳбари Муҳаммад Исломий маълум қилди.
“Эронда атом бомбаси яратиш учун барча техник имкониятлар бор, аммо бу бизнинг кун тартибимизда турган масала эмас. (Ядро қуролини яратиш бўйича) ёлғон айбловлар жамоатчилик фикрини чалғитиш мақсадида Исроил томонидан тарқатилмоқда”, – деган у.
Бундан ташқари, Исломий Теҳрон ядро қуролини тарқатмаслик бўйича шартномага амал қилаётганини таъкидлаган.
Аввалроқ Эронда янги ядро реакторлари қурилиши тўғрисида хабар берилганди.
