Эрон Исфахонда янги ядро реактори қуради. Бу ҳақда мамлакат атом энергетикаси бўйича марказ директори Муҳаммад Исломий маълум қилди.
Унинг сўзларига кўра, улар синов қурилмалари бўлиб, бу ерда бошқа реакторлар учун ядро ёқилғилари тестдан ўтказади.
Fars ахборот агентлиги эса Теҳрон ядро электр энергияси ишлаб чиқариш ҳажмини 10 минг мегаваттга етказмоқчи эканини қайд этган. Шунингдек, Эрон жанубида янги ядро объектлари қурилиши учун ҳудудлар ўрганилаётгани таъкидланган.
Маълумот ўрнида: 2015 йилда Эрон ва АҚШ, Буюк Британия, Германия, Франция, Россия ҳамда Хитой ўртасида "Ҳамкорликдаги умумий ҳаракатлар режаси" имзоланган. Унга кўра, Теҳрон ядро қуроли ишлаб чиқишдан воз кечиши, Ғарб эса иқтисодий санкцияларни бекор қилиши лозим эди. Аммо 2018 йилда АҚШ бу келишувдан чиқиб кетди.
Жозеф Байден АҚШ президентига айлангач, келишувни қайтиб тиклаш ташаббуси билан чиқди. 2021 йилдан бошлаб Венада саккиз раундли музокаралар ўтказилди. 11 март куни томонлар ташқи факторлар туфайли танаффус олди. Унга асосий сабаб қилиб Россиянинг Украинадаги ҳарбий операцияси кўрсатилмоқда. Бунга қадар музокаралар финал босқичига чиққан ва февраль охирида якунланиши керак эди.
Аввалроқ Эронда ядро қуролини яратиш учун барча имконият борлиги очиқланганди.