Ўзбекистон ҳам коронавируснинг хавфли штамми “Оmicron” га қарши вакцина билан таъминланди
Ушбу препарат “Оmicron” штаммига қарши антитаналарни ишлаб чиқаради.
Бу ҳақда “Reuters” хабар берди.
Қайд этилишича, Хитойнинг “Anhui Zhifei Longcom Biopharmaceutical” компанияси коронавирусга қарши вакцина “ZF-UZ-VAC2001” бўйича тажриба натижалари эълон қилди.
Мазкур тажрибадаги синов натижаларига кўра, 1 ой олдин 3 дозадан вакцина қабул қилган 32 кишининг 78 фоизидан олинган намунада “Оmicron”га қарши нейтраллаштирувчи антитаначалар борлиги маълум бўлган.
Шунингдек, 32 та кишидан 16 таси иккинчи ва учинчи дозаларни 4 ойдан кўпроқ вақт оралиғида қабул қилган.
Уларнинг барчасида янги штаммни нейтраллаштирувчи антитана мавжуд. Бироқ антитаналар даражаси асл коронавирусда кузатилганидан тахминан 3 баравар камлиги ҳам исботланди.
Эслатиб ўтамиз, аввалроқ коронавируснинг янги штамми ҳомиладорликда асорат қолдириши мумкинлиги ҳамда Ўзбекистон вируснинг янги штамми сабабли 10та давлат билан авиақатновларни вақтинча тўхтатгани ҳақида хабар берилганди.
Чўлпоной Аҳмедова
