Қаршида "Nexia" ҳайдовчиси пиёдани уриб, воқеа жойидан яширинди
Қашқадарё вилояти Қарши шаҳрида 6 октябрь куни тунги 04:30 атрофида шаҳар ҳудудидан ўтган Қарши–Бешкент автомобиль йўлида "Nexia" ҳайдовчиси пиёдани уриб, воқеа жойидан яширинган. Бу ҳақда вилоят Ички ишлар бошқармаси ахборот хизмати хабар берди.
Мазкур йўл-транспорт ҳодисаси оқибатида жабрланувчи воқеа жойида ҳалок бўлган. Ҳозирда ҳайдовчи қўлга олиниб, шаҳар ички ишлар органи фаолиятини мувофиқлаштириш тергов бўлими томонидан ҳолат юзасидан суриштирув ҳаракатлари олиб борилмоқда.
Бундан аввал Тошкентда ЙТҲ га сабабчи бўлган "Spark" ҳайдовчиси қидирилаётганлиги ҳамда Наманганда ЙТҲ сабаб 75 ёшли пиёда вафот этгани ҳақида хабар берилган эди.
Муножат Валиева
