Қашқадарё вилоят ИИБ ходимлари томонидан олиб борилган тезкор тадбирлар натижасида Р.З. Россия Федерацияси Санкт-Петербург шаҳри ҳудудида қўлга олинган.
Маълум бўлишича, Жиноят кодексининг 168-моддаси 2-қисмида назарда тутилган жиноят (фирибгарлик)ни содир қилгани учун Шаҳрисабз тумани ИИБ томонидан қидирувга берилган.
Аёлнинг доимий яшаш жойи Шаҳрисабз тумани “Шакартери” МФЙ, Темирчи қишлоғи бўлган.
Мазкур ҳолатда аёл ўз қилмишига яраша жавоб бериш билан бирга, жиноятни яшириш ва терговдан қочиш бандлари учун ҳам жазоланиши мумкин.
Эслатиб ўтамиз, бундан аввал Андижон туманидан автомашина олиб қочган шахс Наманган шаҳридан ушлангани ҳамда бухоролик қидирувда бўлган шахс қўлга олингани ҳақида хабар берилганди. Шунингдек, “Ислом давлати” террористик ташкилоти аъзоси Ўзбекистонга олиб келинганди .
Чўлпоной Аҳмедова