Таъкидлашича, 2021 йилнинг 10 сентябрь куни соат 13:00 ларда Самарқанд вилояти, Самарқанд шаҳар ҳудудидан ўтган М-37А автомобиль йўлининг 43-километрида, Тошкент–Бухоро йўналишида ҳайдовчи И.А. "Ford" русумли юк автомобилини бошқараётиб ўзидан олдинда, светофорнинг тақиқловчи ишорасида тўхтаб турган ҳайдовчи, ЙПХ ходими М.Расулов бошқарувидаги Equinox’нинг орқа томонига урилган.
Тўқнашув натижасида тан жароҳати олганлар йўқ. Транспорт воситаларига техник зарар етган.
Мазкур ЙТҲ юзасидан тегишли ҳужжатлар расмийлаштирилиб, суриштирув ҳаракатлари олиб борилмоқда.
Аввалроқ Наманганда юк автомобиллари иштирокида ЙТҲ содир бўлди, бир киши вафот этгани ҳамда Жиззах вилоятида "Lacetti" автомашинасини 7-синф ўқувчиси бошқариб кетаётгани ҳақида хабар берилганди.