Президент матбуот хизмати хабарига кўра, саммитда ташкилотга аъзо мамлакатлар, кузатувчи мақомидаги ва мулоқот бўйича шерик давлатлар, халқаро ташкилотлар делегациялари раҳбарлари иштирок этади.
Таъкидланишича, давлат раҳбарлари кенгашининг мажлисида ШҲТнинг ўтган 20 йилдаги фаолияти ҳамда Тожикистон раислигининг якунлари кўриб чиқилиб, кўп томонлама ҳамкорликнинг долзарб вазифалари муҳокама қилинади. Глобал ва минтақавий аҳамиятга молик масалалар юзасидан фикр алмашилади.
Саммит якунида Душанбе декларацияси қабул қилиниши ва бошқа ҳужжатлар имзоланиши кўзда тутилган. ШҲТга раислик Ўзбекистон Республикасига ўтиши саммитнинг муҳим воқеаси бўлади.
Шунингдек, анжуман доирасида “ШҲТ - КХШТ” форматидаги учрашув ўтказилиши ҳам режалаштирилган.
Бундан аввалроқ, Шавкат Мирзиёев 16-17 сентябрь кунлари Душанбе шаҳрида Шанхай ҳамкорлик ташкилотининг юбилей саммити тадбирларида иштирок этиши тўғрисида хабар берилганди.