Ширин шаҳрида кучли таъсир қилувчи дори воситаларини сотаётган шахс ушланди
Бош прокуратура ҳузуридаги Департаментнинг Ширин шаҳар бўлими томонидан ўтказилган тезкор тадбирда фуқаро А.Б. ноқонуний даромад орттиришни кўзлаб, фуқаро Ш.га таркибида кучли таъсир қилувчи моддалар мавжуд бўлган 56 дона “Регапен”, 2 дона “Селофен” ва 2 дона “Тропикамид” номли дори воситаларини 1,3 миллион сўмга сотган вақтида ашёвий далиллар билан ушланган.
Мазкур ҳолат юзасидан Жиноят кодексининг 186-3-моддаси, яъни таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, аввалроқ зангиоталик фуқаро 915 миллион сўмлик “Ремдесивир” дори воситасини 12 минг долларга сотишга урингани ва ярим тунда кучли таъсир қилувчи дори воситаларини олиб юрган шахслар ушлангани ҳақида хабар берилганди. Шунингдек, Жиззахда талаб юқори дори воситаларини ноқонуний муомалага киритилишининг олди олинганди.
Чўлпоной Аҳмедова
