Сирдарёда "Nexia" ва "Зил" юк машинаси иштирокида аянчли ЙТҲ юз берди
Оқибатда "Nexia" автомобили ҳайдовчиси воқеа жойида вафот этган.
ИИВ ЙҲХББ ахборот хизматининг хабарига кўра, Сирдарё вилояти Мирзаобод туманида жорий йилнинг 19 ноябрь куни соат 14:25 атрофида А.Н. бошқарувидаги "Nexia" автомашинаси ва Н.Қ. бошқарувидаги "Зил-ММЗ 554" русумли юк машинаси иштирокида ЙТҲ содир бўлган.
Маълум қилинишича, мазкур ЙТҲ оқибатида "Nexia" автомобилида ёнғин юзага келган. Ҳайдовчи олган тан жароҳатлари сабабли воқеа жойида вафот этган.
Ҳозирда ушбу ҳолат бўйича терговга қадар текширув ҳаракатлари олиб борилмоқда.
Эслатиб ўтамиз, Қорақалпоғистонда юк машинаси "Cobalt" билан тўқнашиши оқибатида ҳайдовчи воқеа жойида вафот этганди.
Аввалроқ Навоийда содир бўлган йўл-транспорт ҳодисаси оқибатида икки киши ҳалок бўлгани, Тошкентда "Газель" ва "Nexia" тўқнашиб кетгани ҳамда Наманганда ЙТҲ сабаб 75 ёшли пиёда вафот этгани ҳақида хабар берилганди.
