Сурхондарёда ҳайдовчининг ухлаб қолиши оқибатида юк машинасига бориб урилди, йўловчи вафот этди
Юртимизда йилдан-йилга автотранспорт воситалари сони кескин ортиб бормоқда. Бу эса ўз навбатида йўлларда ҳаракат хавфсизлигини таъминлаш, ҳайдовчи ва йўловчи доим назоратда бўлишни тақозо этади.
Сурахондарё вилоятида Damas юк машинасига бориб урилиши оқибатида бир киши вафот этди. Бу ҳақда вилоят ИИБ ЙҲХБ хабар бермоқда.
Қайд этилишича, воқеа 1 сентябрь куни М-39 автомобиль йўлининг 1352-километрида юз берган. Damas ҳайдовчиси ухлаб қолиши оқибатида ҳаракатланиб кетаётган «КамАЗ»нинг орқасига бориб урилган.
Оқибатда машинада бўлган ҳайдовчининг ўғли олган тан жароҳатларидан шифохонада вафот этган.
Аввалроқ Чилонзор туманида «Matiz» ва «Nexia-3» содир бўлган йўл транспорт ҳодисаси оқибатида ҳар икки ҳайдовчи ва «Matiz» йўловчиси касалхонага олиб кетилгани ҳамда Жиззах вилоятининг Шароф Рашидов туманида ҳайдовчининг хавфли ҳаракатлари ортидан йўл-транспорт ҳодисаси юзага келгани тўғисида хабар берилганди.
