Тадбиркорлик қилмоқчи бўлган кам таъминланган ёшлар моддий қўллаб-қувватланади

 

Субсидия БҲМнинг 40 бараваригача миқдорда бўлиб, у 10 млн. 800 минг сўмни ташкил қилади.

 

Тадбиркорлик ёки ўзини ўзи банд қилиш фаолиятини бошлашда ёрдам мақсадида ажратиладиган субсидиялар қуйидаги асбоб-анжомлар учундир:

· Мотокультиваторлар;

· Ўт ўриш ўроқ машиналари;

· Перфораторлар;

· Пайвандлаш аппаратлари;

· Ўсимликларга ишлов бериш қурилмалари;

· Дурадгорлик, чилангарлик, қурилиш ускуналари;

· Компьютер жамланмаси ва бошқалар.

 

Субсидия олиш учун қуйидаги ҳужжатлар тақдим этилиши зарур:

➖ Васийлик кенгаши раиси номига ариза(яъни, кам таъминланганлик ёки “Ёшлар дафтари”га киритилганлигини тасдиқловчи ташкилот раҳбари);

➖ тадбиркорлик субъекти гувоҳномаси ёки ўзини ўзи банд қилган сифатида рўйхатдан ўтганликни тасдиқловчи матрицали штрих код (яъни, ҚР-код);

➖ асбоб-ускуна, меҳнат қуролларининг тури, миқдори, товарнинг маркаси, тахминий харид нархи.

 

Маълумот учун, “Ёшлар дафтари”га ўн саккиз ёшга тўлган ва ўттиз ёшдан ошмаган қуйидаги тоифадаги ёшлар киритилади:

• Ижтимоий ҳимояга муҳтож ёшлар;

• Иқтисодий қўллаб-қувватлашга муҳтож ёшлар;

• Психологик қўллаб-қувватлашга муҳтож ёшлар;

• Ишсиз ёшлар;

 

Аввалроқ ҳунармандларга имтиёзли кредитлар берилиши ҳамда Ўзбекистондан хорижга кетадиган муҳожирларга 1000 АҚШ доллар эквивалентида кредитлар ажратилиши ҳақида хабар берилганди.

 

Оламгир Абдиев