Беҳешта Арганд TOLO newsда ишлаган. 15 август куни “Толибон” ҳукуматни эгаллагандан сўнг ҳаракат вакилларидан ҳисобланган Абдул Ҳақ Ҳамад билан тўғридан-тўғри интервью олиб борган. Бу эса жаҳон ҳамжамиятининг диққатини тортганди.
Журналист CNNга мамлакатни тарк этгани ҳақидаги маълумотни тасдиқлаган. Хусусан, WhatsApp тармоғи орқали,
"Мен мамлакатни тарк этдим, сабаби миллионлаб инсонлар қатори мен ҳам ‘Толибон’дан қўрқаман", -дея маълум қилган.
Шунингдек, Афғонистоннинг икки аёл учувчисидан бири Сафия Ферузий ҳам тарк этган. Ферузий толиблар томонидан тошбўрон қилингани хабар қилинган эди, аммо кейинчалик Қатарда эканлиги маълум бўлди.
“Толибон” 17 август куни берган матбуот анжуманида аёллар ҳуқуқини ҳимоя қилишга ваъда берган. Аммо шундан кейин аёлларнинг ишга келиши тақиқланди. Шунингдек, дастлаб ҳаракат аёлларнинг таълим олишига тўсқинлик қилмаслиги маълум қилган. Лекн кейинчалик Бадахшон вилоятида 6 синфни битирган қизларга таълим олиш тақиқлаб қўйилди.
Эслатиб ўтамиз, АҚШ қўшинлари олиб чиқиб кетилиши ортидан толиблар Афғонистонда фаоллашди. 15 август куни Кобулнинг “Толибон” томонидан эгалланиши Афғонистондан кўплаб аёлларни ҳам тарк этишга мажбур бўлди. Ҳозирда биргина АҚШ 100 минг афғонистонликларни эвакуация қилгани айтилмоқда.
Жаҳонгир Қўзиев