Туркияда бир гуруҳ шахслар жосусликда айбланиб қамоққа олинди. Уларнинг ёнидан Россия паспортлари топилган
Туркияда олти киши жосусликда айбланиб қамоққа олинди. Бу ҳақда CNN Turk телеканали хабар берди.
Уларнинг барчаси чет эл фуқароси бўлган. Туркия махсус хизматлари бу борада Истанбул ва Анталияда тезкор тадбирлар олиб борган. Қўлга олинганларнинг миллати ошкор қилинмаган.
Аммо CNN Turk улар Россия паспортлари ва қуролларига эга бўлганини маълум қилди. Лекин бу ҳужжатларнинг ҳақиқий ёки сохталиги ҳали маълум эмас. Хабарда айтилишича, қўлга олинганлар Туркияга кириши билан назорат остига олинган. Шунингдек, улар чет элликларга ҳужум қилишни режалаштирган.
Бундан аввал Россияда Украина фойдасига жосуслик қилган Ўзбекистон фуқароси қўлга олингани ҳамда АҚШнинг ўнлаб жосусларини чет эл махсус хизматлари йўқ қилгани хабар қилинганди.
Жаҳонгир Қўзиев
