Украина FIFА’га илтимос билан чиқди
Украина футбол ассоциацияси март ойига мўлжалланган ўйинларни бошқа кунга қолдиришни сўради.
Украина FIFА’дан 24 мартга белгиланган Шотландияга қарши ЖЧ-2022 саралаши плей-офф ўйинини бошқа муддатга қолдиришни сўради. Бу ҳақда “Usa Today” нашри хабар берди.
“FIFА бугун Украина футбол ассоциациясидан март ойига мўлжалланган ўйинларини бошқа кунга қолдириш тўғрисида сўров олганини тасдиқлаши мумкин”, — дея “Аmerika nashri” FIFА етакчиларидан бирининг сўзларини келтирди.
Украина 24 март куни Глазгода Шотландия билан ўйнаши керак эди. Ғолиб бўлган жамоа Қатардаги жаҳон чемпионати йўлланмаси учун Уэлс ёки Австрияга қарши майдонга тушади.
Қайд этилишича, Украина терма жамоасининг асосий қисмини маҳаллий клублар, хусусан, Киевнинг “Динамо” ва “Шахтёр” каби клубларида тўп сураётган футболчилар ташкил қилади.
Аввалроқ, жаҳон чемпионати учун 17 миллион чиптага ариза топширилгани ва Европанинг ўндан ортиқ давлати FIFА’ни тарк этмоқчи эканлиги ҳақида хабар берилганди.
Жамшидбек Амиров
