Унда ЕХҲТнинг ОАВ эркинлиги масалалари бўйича вакили Тереза Рибейру, Ўзбекистон ташқи ишлар вазири ўринбосари Ғайрат Фозилов, Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари Саида Мирзиёева, ЕХҲТнинг Ўзбекистондаги лойиҳалари бўйича координатори Ханс-Улрих Им, Ахборот ва оммавий коммуникациялар агентлиги директори Асаджон Ходжаев ва бошқа юқори мартабали мутасаддилар иштирок этди.
Конференциянинг биринчи сессиясида “Ижтимоий ахборот: қадриятлар, мазмун ва стратегик дилеммалар. Марказий Осиёда ижтимоий ахборот материалларининг қабул қилиниши” мавзуси юзасидан халқаро экспертлар иштирокида муҳокамалар бўлиб ўтмоқда.
Саида Мирзиёева “Ўзбекистондаги ОАВларнинг катта қисми ўқувчилар ишончи ва ҳурмати капитал эканини яхши англайди”, дея ОАВнинг сўнгги беш йилда шиддатли ва сифат жиҳатидан янги босқичга кўтарилганини алоҳида таъкидлади.
Шунингдек, кун давомида ЕХҲТнинг ОАВ эркинлиги масалалари бўйича вакили Тереза Рибейрунинг АОКА раҳбари билан учрашуви режалаштирилган.
Эслатиб ўтамиз, бугун Ўзбекистон Республикаси Президенти Шавкат Мирзиёев ЎзЛиДеП қурултойида иштирок этди.
Жаҳонгир Қўзиев