Latviya prezidenti Egils Levits koronavirusga chalindi
Latviya prezidenti Egils Levitsning koronavirusga topshirgan ekspress-testi ijobiy natija berdi. Shu sababli uning Estoniya prezidenti Alar Karis bilan uchrashuvi ortga surildi. Bu haqda Levistning devonxonasi xabar berdi.
13-oktabr kuni Latviya prezidenti Shveysiyaga safar qilib qaytdi va COVID-19‘ga ekspress-test topshirdi. Test ijobiy natija ko‘rsatdi. Bugun u PZR-test topshirgan.
Levits Karis bilan shaxsan bog‘lanib, sammit vaqtini surishni so‘ragan. Shunga qaramay, Estoniya prezidenti Rigaga ishchi tashrif bilan yetib kelgan.
Bundan avval koronavirus kelib chiqishiga doir aniq xulosaga kelish maqsadida Xitoy olimlari Uxan shahrida minglab qon namunalarini o‘rganishi haqida xabar berilgandi.
Avvalroq Hindistonning Kerala shtatida 11 kishida nipah virusi alomatlari aniqlangandi. Shuningdek, Angliya jamoat sog‘lig‘ini saqlash agentligi shifokorlari britaniyaliklarda koronavirus infeksiyasining yangi shtammini topgandi.
Sharofat Mahmudova
