Shavkat Mirziyoyev Pashinyanni parlament saylovidagi g‘alabasi bilan tabrikladi
Saylov natijalari Pashinyan olib borayotgan siyosatga ishonch ifodasi sifatida baholandi.
Shavkat Mirziyoyev Armaniston Respublikasi Bosh vaziri Nikol Pashinyanni parlament saylovlarida uning boshchiligidagi “Fuqarolik shartnomasi” partiyasi erishgan g‘alaba munosabati bilan samimiy tabrikladi.
Tabriknomada ushbu natija arman xalqining Bosh vazir Pashinyan tomonidan olib borilayotgan ichki va tashqi siyosatga, jumladan Janubiy Kavkazda tinchlik va barqarorlikni ta’minlash yo‘lidagi sa’y-harakatlarga bo‘lgan ishonchining ifodasi ekani ta’kidlangan.
Shuningdek, O‘zbekiston Prezidenti ikki davlat o‘rtasidagi do‘stona munosabatlar va o‘zaro manfaatli hamkorlikni yanada rivojlantirishga ishonch bildirgan.
Tabrikda Nikol Pashinyanga mustahkam sog‘liq, davlat faoliyatida muvaffaqiyatlar, Armaniston xalqiga esa tinchlik va farovonlik tilaklari bildirilgan.
Eslatib o'tamiz, Armanistonda bo‘lib o‘tgan parlament saylovlari Nikol Pashinyan boshchiligidagi “Fuqarolik shartnomasi” partiyasi 50,07 foiz ovoz bilan g'olib bo'lgan edi.
