"Меҳр" операциясига бағишланган фильм премьераси бўлиб ўтди
Алишер Навоий номидаги кино саройида Кинематография агентлиги буюртмаси билан суратга олинган “Тутқунлик” бадиий фильмининг премьераси бўлиб ўтди. Тадбирда фестиваль меҳмонлари, санъаткорлар ва ёшлар ОАВ вакиллари иштирок этди.
Фильм Ўзбекистон Президенти ташаббуси билан 2019-2020 йилларда амалга оширилган «Меҳр» операциясига бағишланган.
Сценарий муаллифлари Азамат Коржовов ва Рашид Маликов, режиссёр ва режиссёр ёрдамчиси Рашид Маликов, сурат режиссёри Алексей Вензос, бастакор Дмитрий Янов-Яновский, рассом Дониёр Абдураҳмонов, костюм дизайнери Элена Айтова.
Фильмда Нигина Анорбоева, Феруза Собитова, Анвар Мавлонов, Фирдавс Орипов, Элбек Файзиев ва бошқалар роль ижро этган.
Эслатиб ўтамиз, кинофестиваль бош ҳомийси: AGMK, NGMK вa “O‘zbekneftgaz”. Ҳамкор ҳомийлар: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta’minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg’onaazot”AJ, “Eriell”, “Bosch” TM, “Easy Booking”.
Аввалроқ Турк ва Ҳинд киноижодкорлари билан ижодий кеча ташкил этилгани ҳамда Тошкент халқаро кинофестивалининг жаҳон киноси кунлари дастурини эронлик режиссёр Иброҳим Мухторийнинг “Ҳаёт варақлари” фильми бошлаб бериши ҳақида хабар қилинганди.
Чўлпоной Аҳмедова
