“Кia Узбекистан”  “К8” седанини сотишни бошлади

 

 

Унда айтилишича, компания еттита моделни намойиш қилган. Улар – “Seltos”, “K5”, “Sorento”, “Soul”, “Stinger”, “Carnival” va “K8”.

 

Таъкидлаш керакки, “Кia Узбекистан” мазкур моделларни 2022 йилга режа қилаётган эди. Буларнинг бозори чаққони “К8” седани ҳисобланади.

 

Компания Ўзбекистон бозорига 2020 йил октябрь ойидан жадал кириб келишни бошлаган. Ўшанда автомобиль ишқибозларига асосан “Seltos” ва “К5” моделлар тақдим қилинган. Шундан сўнг июнь ойидан бошлаб “Sorento” ва “Soul”, август ойига келиб яна иккита модель — “Stinger” ва “Carnival” сотувга қўйилган.

 

Шундай қилиб, компания ҳозирда Ўзбекистонда еттита автомобиль моделини намойиш этади. Уларнинг ичида бозори чаққон дейилаётгани – “К8” седани бўлиб, 586,9 миллион сўмдан бошланади.

 

“Кia” компанияси Ўзбекистонда автомобилларни йиғишни 2020 йилнинг кузида бошлаган. Жиззахдаги ишлаб чиқариш линияси “Кia” компаниясининг Россиядаги бош штаби назорати остида ташкил этилган.

 

Автомобиллар Жиззах заводида СКД усулида (автомобилни йиғиш) ишлаб чиқарилади ва заводнинг ишлаб чиқариш қуввати йилига 25 минг автомобилни ўз ичига олади.

 

Компания 2022 йил охирига бориб, СКД усулида ишлаб чиқариш қувватини 100 мингтага етказишни режалаштирмоқда.

 

Бундан аввал Ўзбекистонда “LADA Vesta CW” ва “LADA XRAY” русумли автомобиллар ишлаб чиқарила бошлангани, “UzAuto Motors” янги “Chevrolet Captiva” сотишни бошлагани ҳамда “Tesla” автомобили тезлик бўйича рекордни янгилагани ҳақида хабар берилганди.

 

 

Оламгир Абдиев