Тошкентда энг кўп йўловчи ташиладиган автобус йўналишлари маълум бўлди
Бугунги кунда жамоат транспорти (автобуслар) узоғимизни яқин қилиши билан бирга хавфсизлигимизни таъминлаб келмоқда. Ҳозирда фуқароларга ҳар томонлама қулай автобуслар орқали хизмат кўрсатилмоқда.
"Тошшаҳартрансхизмат" АЖ ахборот хизмати жамоат транспорти (автобуслар)дан бир ой мобайнида фойдаланган йўловчилар сони (1-31 август ҳолатига кўра) бўйича маълумот тақдим этди.
Унга кўра, жамоат транспорти (автобуслар) дан бир ой мобайнида фойдаланган йўловчилар сони (1-30 сентябрь ҳолатига кўра) қуйидагиларни ташкил этди.
Энг кўп фойдаланилган йўналишлар:
1. 131-сонли йўналиш - 236 656
2. 24 -сонли йўналиш - 169 028
3. 58 -сонли йўналиш - 162 004
Энг кам фойдаланилган йўналишлар:
1. 196-сонли йўналиш - 3 552
2. 113-сонли йўналиш - 6 434
3. 141-сонли йўналиш - 7 114
Автобус русуми бўйича ташилган йўловчилар сони:
1. Mercedes-Benz LF - 3 354 631
2. Isuzu - 2 746 445
3. Man - 1 664 795
4. Saz LE 60 - 758 458
130 та йўналиш бўйича жами йўловчилар сони: 8 524 329.
Эслатиб ўтамиз, Истеъмолчилар ҳуқуқини ҳимоя қилиш агентлиги томонидан жамоат транспорти ҳаракати билан боғлиқ муаммолар кўтарилганди.
Аввалроқ жамоат транспорти (автобуслар) дан бир ой мобайнида фойдаланган йўловчилар сони очиқлангани, йўловчига қўпол муносабатда бўлган автобус ҳайдовчисига чора кўрилгани ҳамда Тошкентда айрим автобусларнинг қатнов йўналиши вақтинча ўзгаргани ҳақида хабар берилганди.
