Тошкентда автобус ҳайдовчиси бошқарувни йўқотиб, светофор ва йўл четидаги уйга бориб урилди
Пойтахтда автобус ҳайдовчиси бошқарувни йўқотиб, светофор ва йўл четидаги уйга бориб урилди. Бу ҳақда Тошкент ИИББ хабар берди.
Маълум қилинишича, жорий йилнинг 8 октябрь куни соат тахминан 07:00ларда Яшнобод тумани, Уйсозлар 1-тор кўчалари кесишган чорраҳада йўл-транспорт ҳодисаси содир бўлди.
Қайд этилишича, ҳайдовчи 1987 йилда туғилган М.Қ. бошқарувидаги "Mersedes Bens" русумли йўловчи ташувчи автобусида ҳаракат давомида бошқарувни йўқотиб, чорраҳадаги светофор ва йўл ёқасидаги уйга бориб урилиб тўхтаган.
Тўқнашув натижасида тан жароҳати олганлар йўқ, ушбу автобусда фақат ҳайдовчининг ўзи бўлган.
Ҳозирда ҳолат юзасидан суриштирув ишлари олиб борилмоқда.
Аввалроқ Самарқандда автобус ағдарилиши оқибатида икки нафар йўловчи вафот этгани, Сурхондарёда “Matiz” ҳайдовчиси 12 ёшли қизни уриб юборгани, Самарқандда "Lacetti"нинг қарама-қарши йўлга чиқиб кетиши аянчли якунлангани ҳамда Қаршида "Nexia" ҳайдовчиси пиёдани уриб, воқеа жойидан яширингани ҳақида хабар берилганди.
