Қашқадарё вилояти ҳокими Зойир Мирзаев овоз берди

 

Хусусан, Қарши шаҳридаги 4-сайлов участкасида ҳам аҳоли овоз бериш жараёнида фаол иштирок этмоқда.

 

Маълумотларга кўра, мазкур сайлов участкасида “Геолог” маҳалласида яшовчи 1 минг 591 нафар сайловчи рўйхатга олинган.

 

Қашқадарё вилояти ҳокими Зойир Мирзаев ҳам мазкур участкага бориб биринчилар қаторида овоз берди.

 

Маълумот учун: 13-Қашқадарё сайлов округидан олинган сайловчиларнинг электрон рўйхати асосидаги охирги маълумотларга кўра, округ бўйича сайловчиларнинг умумий сони 1 миллион 870 минг 805 нафарни ташкил этади ва шундан 143 минг нафари сайловда биринчи марта қатнашувчи ёшлардир.

 

Эслатиб ўтамиз, Ўзбекистон Республикаси Президенти сайловида Ўзбекистон Либерал-демократик партиясидан кўрсатилган номзод Шавкат Мирзиёев Мирзо Улуғбек тумани Алишер Навоий маҳалласидаги 59-сайлов участкасига ташриф буюриб, овоз бериш жараёнида иштирок этганди.

 

Бундан аввал Ўзбекистон Экологик партиясидан президентликка номзод Нарзулло Обломуродов, "Миллий тикланиш" демократик партиясидан президентликка номзод Алишер Қодиров, Ўзбекистон "Адолат" социал-демократик партиясидан президентликка номзод Баҳром Абдуҳалимов ҳамда Халқ демократик партиясидан кўрсатилган номзод Мақсуда Ворисова Учтепа тумани 116-мактабдаги 206-сайлов участкасида овоз бергани ҳақида хабар берган эдик.

 

Шунингдек, Тошкент вилояти ҳокими Даврон Ҳидоятов, Самарқанд вилояти ҳокими Эркинжон Турдимов, Фарғона вилояти ҳокими Хайрулло Бозоров, Сурхондарё вилояти ҳокими Тўра Боболов ҳамда 126 ёшли Хувайдо момо ўзи танлаган муносиб номзодга овоз бергани ҳақида хабар берилганди.