Яккасaрой туманида содир бўлган ЙТҲда ҳайдовчи вафот этди
Маълум бўлишича, Тошкентда “Lacetti” юқори тезликда автобусга урилиши натижасида бир киши ҳалок бўлди.
Бу ҳақда Тошкент шаҳар ИИББ расмий маълумот берди.
Қайд этилишича, 27 октябрь куни тахминан соат 00:10 да Яккасарой тумани Шота Руставели кўчасида Lacetti'ни ишончнома асосида бошқариб борган 25 ёшли М.М. бошқарувни йўқотиб, машина йўл четида тўхтаб турган 57 ёшли Ш.Х. бошқарувидаги “Mercedes-Benz” автобуси билан тўқнашган.
Тўқнашув оқибатида “Lacetti” ҳайдовчиси воқеа жойида ҳаётдан кўз юмди.
Ҳозирда мазкур маълумот бўйича Тошкент шаҳар ИИББ ходимлари томонидан тергов олди текшируви олиб борилмоқда.
Эслатиб ўтамиз, аввалроқ Бўстонлиқда 150 метр баландликдан "Spark" жарликка тушиб кетди, ҳайдовчиси омон қолгани ҳамда Қамчиқ довонида “Cobalt” ағдарилиб кетганди. Шунингдек, “Қамчиқ” да “Nexia” йўловчиси пастликка тушиб кетгани ҳақида хабар берилганди.
Чўлпоной Аҳмедова
