“UzAuto Motors” харидорларга “Lacetti” ва “Labo” етказиб беришни яна икки ойга кечиктиради

 

 

Компанияннг хабарига кўра, навбатда турган харидорлар яна икки ой кутишлари керак бўлади.

 

Ўтган вақт давомида автомобилни етказиб бериш бўйича илгари тузилган шартноманинг 1.2 бандига мос равишда шартномага 3.1.1 бандни киритишга мажбур бўлинган.

 

“Ярим ўтказгичлардан (микрочиплардан) тайёрланган бутловчи қисмларнинг глобал тақчиллиги сабабли компания 3.1.1 бандини қўллашга ҳамда 3.1 бандда кўрсатилган “Chevrolet Lacetti” ҳамда “Labo” автомобилларининг кутилаётган етказиб бериш муддатини 2 ойга узайтиришга мажбур. Бу “UzAuto Motors”га боғлиқ бўлмаган сабабдир”, – дейилади автокомпания хабарида.

 

“UzAuto Motors” мазкур ҳолатни “экстремал чора” деб атаган.

 

Компания расмийлари мазкур вазият истеъмолчилар томонидан тўғри тушунилишига умид қилиб, шундай дейди:

 

“Ишонтириб айтамизки, узоқ кутилган автомобилингизни имкон қадар тезроқ олишингиз учун қўлимиздан келган барча имкониятларни қиламиз”.

 

Аввалроқ “UzAuto Motors” "Spark" ва "Lacetti" автомобилларини вақтинча ишлаб чиқариш тўхтатилганлиги ҳақидаги маълумотни тасдиқлагани,  “UzAuto Motors” “Chevrolet Lacetti”ларини нега дон омборларида сақлаётгани ҳамда Кушербаев яна “UzAuto Motors” масаласига қайтгани ҳақида хабар берилганди. 

 

Оламгир Абдиев