8800 дона пиротехника воситаларини ноқонуний равишда сотаётган шахс ушланди
Ҳозирда мазкур ҳолат юзасидан божхона органлари томонидан суриштирув ишлари олиб борилмоқда.
Бугунги кунда божхоначилар пиротехника воситаларини ноқонуний олиб кириш ва ички ҳудуддаги айланмасига чек қўйишга қаратилган чора-тадбирлар олиб бормоқда.
Хусусан, Бухоро вилояти божхона бошқармаси контрабандага қарши курашиш ва божхона аудити бўлими ходимлари ҳуқуқни муҳофаза қилувчи бошқа идоралар вакиллари билан ҳамкорликда пиротехника воситаларининг ноқонуний айланмасига қарши тезкор тадбир ўтказди.
Давлат божхона қўмитаси хабарига кўра, Ғиждувон шаҳрида ўтказилган тадбир давомида фуқаро Ш.А. шартли харидорга қиймати 4,4 миллион сўмлик 8800 дона пиротехника воситаларини ноқонуний равишда сотаётган вақтида ушланди.
Ҳозирда мазкур ҳолат юзасидан божхона органлари томонидан суриштирув ишлари олиб борилмоқда.
Аввалроқ Наманганда "Lacetti"дан ҳужжатсиз 80 миллион сўмлик дори-дармон топилгани, Тошкентда “kleksan” дори воситасини ноқонуний муомалага киритаётган шахсларнинг қўлга олингани, чет элдан келган фуқаронинг “ҳийласи" иш бермагани ҳамда Навоийда XIX асрга тегишли танга ва қоғоз купюраларни хорижга олиб чиқиб кетаётган шахслар аниқлангани ҳақида хабар берилганди.
