Ўзбек—қозоқ ҳарбийлари биргаликда ўқув-машғулот ўтказди

 

 

Мудофаа вазирлиги ахборот хизмати хабар қилишича, Қозоғистон Республикаси Жамбул вилоятининг “Гвардейский” ўқув маркази ҳамда “Матибулоқ” дала-ўқув майдонида “Қалқон-2021” ўзбек-қозоқ ўқув машғулотлари ниҳоясига етди. 

 

 

Улар янги қурол-аслаҳалар, бошқа муҳит, иссиқ ва совуқ об-ҳаво шароитларида ўзларининг қанчалар чиниққан ва чидамли эканликларини намойиш этди. Тактик машғулотларда ҳам гоҳ у, гоҳ бу давлатнинг иштирокчилари ўзига хос ёндашув ва манёврларини кўрсатиб берди.

 

 

Ёпилиш маросимида машғулотнинг фаол иштирокчилари ҳар икки давлатнинг Мудофаа вазирлари буйруғига асосан фахрий ёрлиқ ва эсдалик совғалари билан тақдирланди.

 

Аввалроқ Ўзбекистон—Тожикистон—Россия ҳарбий машғулотлари қандай ва нима мақсадда ташкил этилгани, Ўзбекистонлик ҳарбийлар Жанубий Кореяга ўқишга юборилиши ҳамда Тожикистонда Ўзбекистон—Тожикистон—Россия қўшма машғулотлари бошлангани ҳақида хабар берилганди.