Фирибгар танишининг ишончига кириб, уни "ухлатиб кетди"
Ҳозирда ушбу шахсга нисбатан жиноят иши қўзғатилган.
2021 йил январь ойида фуқаро Д.Н. Шаҳрихон туманида яшовчи таниши А.Х.ни алдаб, ишончига кирган. А.Х.га тегишли Андижон шаҳрида жойлашган "Paynet" дўконига кириб, ундан фойдаланиб туриш мақсадида логин ва паролини олиб, унинг ҳисобида бўлган жами 54 миллион сўм пулларини қўлга киритган. Бу пулларни эса шахсий эҳтиёжлари учун сарфлаб юборган.
Мазкур ҳолат юзасидан Андижон шаҳар ИИО ФМБ ҳузуридаги тергов бўлими томонидан Жиноят кодексининг 168-моддаси (фирибгарлик) 2-қисми "а" банди билан жиноят иши қўзғатилди. Ҳозирда тергов ҳаракатлари олиб борилмоқда.
Аввалроқ, Андижонда виртуал фирибгар қўлга олингани ҳамда Тошкентда банкоматни бузиб, ичидан 165 миллион сўм ўғирлаган шахс ушлангани ҳақида хабар берилганди.
Муножат Валиева
