Жорий йилнинг 21 октябрь куни Самарқанд шаҳар фавқулодда вазиятлар бўлими томонидан ёнғин хавфсизлиги бўйича текшириш ўтказилган. Унда "Самарқанд ҳудудий электр тармоқлари корхонаси" АЖнинг умумий масалалар бўйича директори ёнғин хавфсизлиги қоидаларига риоя қилмаганлиги аниқланган.

Қайд этилишича, бинода қоидаларга зид тарзда пайвандлаш, кесиш электр пайвандлаш ва бошқа электр қурилмаларидан фойдаланиб келинаётган бўлган.

Текширувчилар вилоят электр тармоқлари корхонасида ҳимояланиш хусусиятини йўқотган электр кабели ва симлардан, шикастланган электр розеткалар, рубилниклар, электр симлари қутиларидан ва бошқа электр қурилмаларидан фойдаланилаётганига гувоҳ бўлишган.

 

Суд мажлисида сўроқ қилинган мутасаддилардан бири у ушбу ҳолатларга эътибор бермаганлигини, бу камчиликлар текшириш вақтидаёқ бартараф қилинганлигини, қилмишидан чин кўнгилдан пушаймон эканлигини билдириб, унга нисбатан қонуний енгиллик беришликни сўраган.

 

Суд қарорига кўра, ҳуқуқбузарлардан бири - корхонанинг умумий масалалар бўйича директори Маъмурий жавобгарлик тўғрисидаги кодекснинг 211-моддаси 1-қисмида назарда тутилган маъмурий ҳуқуқбузарликни содир этган деб топилган ва МЖтКнинг 21-моддасига асосан маъмурий жавобгарликдан озод этилиб, огоҳлантирилган.

 

Қолган уч нафар ҳуқуқбузарга (хўжалик хизмати бўлим бошлиғи, техник) эса базавий ҳисоблаш миқдорининг иккидан бир қисми миқдорида, яъни 135 минг сўм жарима жазоси тайинланган.

 

Аввалроқ Хоразм ва Сурхондарёда электр станциялар қурилади ва Сурхондарёда электр станциялар қурилиши, Навоийда ўзбошимчалик билан симёғочга чиққан йигит ток уриши оқибатида ҳалок бўлгани ҳамда Тошкентда электр подстанцияси ёниб кетгани ҳақида хабар берилганди.