Олиб қўйилган фарзанд ўз онасига қайтарилди
Ота фарзандини онасига беришга қаршилик қилган.
Гурлан туманида яшовчи фуқаро Д.Ю. турмуш ўртоғи билан ўзаро келишмовчилиги сабабли ота уйига қайтиб кетишга мажбур бўлган. Аммо турмуш ўртоғи унинг вояга етмаган 2018 йилда туғилган фарзанди Ш.Д.ни олиб кетишга қаршилик қилган. Фарзандини ололмаган Д.Ю. судга мурожаат қилган.
Фуқаролик ишлари бўйича Боғот туманлараро судининг ижро варақасига асосан қарздорга вояга етмаган боласини онасига ихтиёрий равишда топшириш тўғрисида огоҳлантириш хати юборилган. Лекин ота фарзандини онасига беришдан бош тортган.
Шундан сўнг давлат ижрочилари, тегишли органлар ва холислар иштирокида вояга етмаган Ш.Д. онаси тарбиясига олиб берилиши таъминланди.
Аввалроқ, уйга муҳтож она фарзандини сотгани ҳамда икки яшар ўғлига жиддий шикаст етказган ота ҳақида хабар берилганди.
Муножат Валиева
