Наманганда 11 синф ўқувчилари ўғирлик қилди
Ўсмирларга Жиноят Кодексининг 169-моддаси 2-қисми билан жиноят иши қўзғатилган.
Косонсой туманида яшовчи аёл ИИОга ариза билан мурожаат қилиб, номаълум шахс, яшаш уйида ҳеч ким йўқлигидан, дарвозаси ва уй эшигини очиқлигидан фойдаланиб, "Артел" русумли телевизорини ўғирлаб кетганлигини маълум қилган.
Косонсой тумани ИИБ ЖҚБ тезкор вакиллари томонидан олиб борилган тезкор-қидирув ва суриштирув ҳаракатлари натижасида, ушбу жиноятни Косонсой туманидаги мактабнинг 11-синф ўқувчилари содир этганликлари аниқланган.
Ушбу ҳолат бўйича Косонсой туман ИИБ ҳузуридаги ТБ томонидан 2021 йил 16 ноябрь куни Ўзбекистон Р ЖКнинг 169-моддаси 2-қисми билан жиноят иши қўзғатилган.
Аввалроқ, “TikTok” ижтимоий тармоғида пичоқ кўтариб видеога тушган тасвирни тарқатган мактаб ўқувчиси жаримага тортилгани ҳамда Тошкентда ўқувчилар ўртасида оммавий жанжал юз бергани ҳақида хабар берилганди.
Муножат Валиева
