Жиноят ишини ёпиш учун 3000 АҚШ доллари
Бош прокуратурада яна бир ходим пора билан ушланди.
Маълум қилинишича, Бош прокуратура бошқарма бошлиғининг ўринбосари лавозимида ишлаган Ш.В. қариндоши Ш.Н. орқали унинг таниши А.К.нинг ишончига кириб, унга нисбатан Бухоро вилояти прокуратураси иш юритувидаги жиноят ишини танишлари орқали тугатиб беришни ваъда қилиб, 27 ноябрь куни фуқаро А.К.дан 3.000 АҚШ долларини фирибгарлик йўли билан қўлга киритганлиги аниқланган.
Мазкур ҳолат юзасидан 7 декабрь куни Ш.В.ga нисбатан Жиноят кодексининг 168-моддаси 3-қисми “а” банди (Фирибгарлик), 211-моддаси 1-қисми (Пора бериш) ҳамда Ш.Н.ga Жиноят кодексининг 212-моддаси 1-қисми (Пора олиш-беришда воситачилик қилиш) билан жиноят иши қўзғатилган.
Аввалроқ Жиззахда прокурор ўринбосари пора билан қўлга тушгани ва Наманганда қоидабузар ЙПХ ходимига пора таклиф қилгани хабар қилинганди.
Жавоҳирбек Турсунов
