Маълум бир турдаги шахслар учун бир йилда бир марта поезддан текин фойдаланиш тартиби мавжуд

 

👉 Совет Иттифоқи Қаҳрамонлари ва Шон-шуҳрат орденининг учта даражаси билан тақдирланган шахсларга;

👉 ярадор бўлган ҳарбий хизматчилар, ишчилар ва хизматчилардан 1 ва 2-гуруҳ уруш ногиронлари ва уларга тенглаштирилган шахсларга;

👉 Чернобил АЭС даги аварияни бартараф этувчилари ногиронларига.

Темир йўлларда йилига бир марта бепул юриш ҳуқуқи деганда “бориш” ва “келиш” тушунилади.

 

Бундан ташқари, 3-гуруҳ уруш ногиронлари, уруш қатнашчилари ва уларга тенглаштирилган шахсларга темир йўлларда чиптанинг эллик фоиз чегирмалари билан йилига бир марта юриш ҳуқуқи берилган. Агар мазкур турдаги шахслар берилган имтиёзни(50 фоизлик) икки йиллик қилиб фойдаланиш истагида бўлса, унда уларга ҳам мазкур йилда темир йўл транспортидан фойдаланиш текин ҳисобланади.

 

Бунда тақдим қилинадиган “Бориш” ва “Келиш” талонлари икки йилники қилиб ҳисобга олинади. Ушбу тартиб 3-гуруҳ уруш ногиронлари ва уруш қатнашчиларига тенглаштирилган шахсларга ҳам татбиқ этилади.

 

Маълумот учун, имтиёзли чипта олиш учун чипта кассасига чегирма олиш ҳуқуқини берувчи қуйидаги тегишли ҳужжатлар тақдим қилиниши керак:

“Уруш ногирони гувоҳномаси”;

“Уруш қатнашчиси гувоҳномаси”;

“Имтиёзга ҳуқуқи тўғрисида гувоҳнома”.

 

Шунингдек, 10 ва ундан ортиқ одамлар сонидан иборат ташкил қилинган гуруҳлар чипталарининг умумий қийматидан жамоавий чипта бўйича чегирмалар тақдим қилинади.

 

Диққат! Имтиёзли чипталарни текширишда тегишли ҳужжатларни тақдим қилмаган йўловчилар чиптасиз деб ҳисобланадилар ва белгиланган миқдорда жаримага тортиладилар. Бундан ташқари, улардан чипталар берилган станциядан манзил станциясигача чипта қийматининг фарқи (имтиёзли ва тўлиқ тариф ўртасидаги) ундирилади.

 

Аввалроқ “Uzbekistan Airways” мамлакат ичига қўшимча қатновни йўлга қўйиши ҳамда Янги йил байрами арафасида "Афросиёб" поездлари қатнови яна биттага кўпиши ҳақида хабар берилганди.

 

Оламгир Абдиев