Субсидиягача кириб борган коррупция
Андижонда арзон уй олиб беришни ваъда қилган мансабдор ушланди.
Хабарга кўра, Бош прокуратура ҳузуридаги Департаментнинг Андижон вилояти бошқармаси томонидан ИИБ билан тезкор тадбир ўтказилди.
Тадбир давомида Андижон шаҳар уй-жой фондларини бошқариш, давлат ордери ва маълумотномалар бериш маркази ДУКнинг ғазначи иш юритувчиси М.Ш. фуқаро М.га Андижон шаҳрида янги қурилаётган арзон уй-жойлардан бирини сотиб олишини ваъда қилган.
Шунингдек, у субсидия маблағи ажратилишида ҳам танишлари орқали ёрдам бериш эвазига 800 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Эслатиб ўтамиз, аввалроқ Тошкентда суғурта полиси маблағларини ўзлаштирган шахс ҳамда Наманганда фуқарога имтиёз асосида уй олиб беришни ваъда қилган фирибгар ушлангани ҳақида хабар берилганди.
