Мазкур ҳолат Бош прокуратура ҳузуридаги Департаментнинг Наманган шаҳар бўлими томонидан ўтказилган тезкор тадбирда фош қилинди.
Унда Ш.Н. фуқаро З.нинг ишончига кириб, унга танишлари орқали шаҳар ҳудудидан кўп қаватли уй-жойларнинг биридан имтиёзли асосида уй олиб бериш эвазига 1 100 АҚШ долларини фирибгарлик йўли билан олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ, Бухорода ўқишга киритиб қўйишини айтиб, фуқародан 300 АҚШ доллар сўраган шахс ҳамда Фарғонада "аукцион" орқали арзон ер майдони олиб бераман деб 60 миллион сўмни қўлга киритган шахс ушлангани ҳақида хабар берилганди.
Муножат Валиева