Эрон олий раҳбари Мужтабо Хоманаий акс этган видео эълон қилинди
Лавҳа қачон ва қаерда суратга олингани маълум қилинмаган.
Эроннинг янги олий раҳбари Мужтабо Хоманаий беш ой ичида илк бор видеода кўринди. Тегишли видеони Mehr агентлиги Тelegram-каналида эълон қилди.
12 сониялик видеода Хоманаий бир неча киши даврасида ўтириб, улар билан суҳбатлашаётгани акс этган. Видеонинг қачон суратга олингани маълум қилинмаган.
Мужтабо Хоманаий март ойининг бошида отаси Али Хоманаий ҳалок бўлганидан сўнг Эроннинг олий раҳбари этиб тайинланган. Али Хоманаий 28 февраль куни АҚШ ва Исроил бошлаган ҳарбий операциянинг илк кунида берилган зарбалар оқибатида вафот этган.
Али Хоманаийнинг дафн маросими хавфсизлик нуқтаи назаридан бир неча ойга кечиктирилди. Мотам маросими 9 июль куни Машҳад шаҳридаги Имом Ризо мақбараси ҳудудида ўтказилди.
Отаси дафн этилганидан бир неча кун ўтиб, Мужтабо Хоманаий Эрон Али Хоманаий ва АҚШ ҳамда Исроилнинг ҳарбий операцияси қурбонига айланган бошқа эронликлар учун қасос олишини айтди.
