Унга кўра, 2022 йил 1 июлдан кексалар ва ногиронлиги бўлган шахсларга санаторийларда даволаниш учун йўлланмалар фақат ДХМ ёки ЯИДХП (my.gov.uz) орқали берилади.
Йўлланмалар қуйидаги тоифадаги кексалар ва ногиронлиги бўлган шахсларга берилади:
▫️ уруш ногиронларига ва қатнашчиларига тенглаштирилган шахслар;
▫️ ҳалок бўлган ҳарбий хизматчиларнинг янги никоҳдан ўтмаган бева хотинлари (бева эрлари);
▫️ республика аҳамиятига молик шахсий пенсия олувчи шахслар;
▫️ Чернобыль АЭС ҳалокати оқибатида нурланиш касаллигига чалинган ва уни бошидан кечирган шахслар, шунингдек, Чернобыль ҳалокати сабабли ногирон бўлиб қолган шахслар;
▫️ ядро полигонлари ва бошқа радиация-ядро объектларида ҳарбий хизматни ўтаган пенсия ёшидаги шахслар;
▫️ I ва II гуруҳ ногиронлиги бўлган шахслар, кўзи ожиз И гуруҳ ногиронини кузатиб борувчи шахс;
▫️ ўзгалар парваришига муҳтож ёлғиз кексалар;
▫️ ёшга доир пенсия олувчилар.
Эслатма. Давлат хизматлари кўрсатилгани учун йиғим ундирилмайди.
Аввалроқ кам таъминланганлар рўйхатига киритилганларга имтиёз белгилангани ҳамда Имтиёзли кредит машмашалари ҳақида хабар берилганди.
Оламгир Абдиев