2022 йилда ШҲТ — Афғонистон олий даражадаги учрашувлари ташкил этилиши мумкин
Бу ҳақда ШҲТ бўйича Ўзбекистон миллий координатори Раҳматулла Нуримбетов маълум қилди.
"Ҳозирда ШҲТ тизими бўйича толиблар билан алоқа ўрнатилмаган. Аммо Афғонистон ташкилотда кузатувчи мақомини сақлаб қолган.
ШҲТнинг барча аъзолари тан олган ва келишган ҳолатда "Толибон" ташкилотнинг кейинги йиғилишларида иштирок этиши мумкин", — деган Нуримбетов.
Маълумот ўрнида: Афғонистон Шанхай ҳамкорлик ташкилотида кузатувчи мақомга эга. 2021 йил Душанбедаги ШҲТ саммитида Афғонистон вакиллари қатнашмади. "Толибон" ҳаракати ўз навбатида барча давлатлар ва халқаро ташкилотлар билан муносабатларни сақлаб қолишга ва ривожлантиришга тайёрлигини билдирган.
Бундан аввал толиблар Ғарбни санкцияларни бекор қилишга чақиргани ҳамда "Толибон" делегацияси Туркияга боргани хабар қилинганди.
Жаҳонгир Қўзиев
