Андижон вилояти ИИБ ЖҚБ ҳамда туман ИИБ ЖҚБ ходимлари билан ҳамкорликда тезкор-тадбир ўтказилди. Унда Олтинкўл туманида яшовчи М.Д. Андижон туманида жойлашган икки қаватли бинода 300.000 сўм эвазига эркак ва аёлларни жинсий алоқа қилишлари учун шароит яратиб, фоҳишахона ташкил қилгани аниқланган.
Мазкур ҳолат юзасидан Андижон тумани ИИБ ҳузуридаги тергов бўлинмаси томонидан Ўзбекистон Республикаси Жиноят кодексининг 131-моддаси 2-қисми билан жиноят иши қўзғатилиб, тергов ҳаракатлари олиб борилмоқда.
Аввалроқ Тошкентда 359 нафар аёл фоҳишалик билан шуғуллангани учун жавобгарликка тортилгани ҳамда Сирдарёда хонадонида фоҳишахона очган эркакка суд ҳукми ўқилгани ҳақида хабар берилганди.
Муножат Валиева