Фуқаро Д.Х. бошқа бир фуқаро Н.нинг қадр-қиммати ва обрўсига путур етказиши мумкин бўлган фотосурат ва видеоларни интернет ижтимоий тармоқларида тарқатиб юбориш билан қўрқитган.
Бунинг эвазига ундан товламачилик йўли билан 30 миллион сўм талаб қилган. Оқибатда Д.Х. электрон тўлов тизими орқали таниши Д.нинг пластик карточкасига 29,7 миллион сўм ўтказган вақтида ашёвий далиллар билан ушланган.
Мазкур ҳолат юзасидан Жиноят кодексининг 165-моддаси (товламачилик) билан жиноят иши қўзғатилган.
Эслатиб ўтамиз, бундан аввал Тошкентда Тelegram да сохта гуруҳ очиб, одамларни алдаган шахслар аниқлангани ва виртуал фирибгар қўлга олингани ҳақида хабар берилганди. Шунингдек, Facebook'да Шавкат Мирзиёев номи билан сохта аккаунт очиб фирибгарлик қилган шахс аниқланган эди.
Чўлпоной Аҳмедова