Ҳарбий вертолётлар ёрдамида одамларни офат зонасидан эвакуация қилмоқда. Бу ҳақда СБС телеканали хабар берди.
Канаданинг Британия Колумбияси провинциясида кучли ёмғирдан кейин содир бўлган кўчки катта йўлни тўсиб қўйган. Оқибатда, 100 га яқин машина ва 300 га яқин одам трассада ҳаракатсиз қолиб кетган. Улар орасида 50 нафар бола ҳам бор.
Бахтсиз ҳодиса оқибатида қурбонлар ва жабрланганлар йўқ. Хабарларга кўра, Британия Колумбиясида кунига бир ойдан ортиқ ёғингарчиликлар юз берди. Шу сабаб ҳудудда кучли сув тошқини келиб чиққан. Айрим одамлар уйларини тарк этишга мажбур бўлган.
Шунингдек, Хитойнинг Шанси провинциясида ҳам 15 киши сув тошқинида ҳалок бўлди, яна 3 киши бедарак йўқолган.
Маълумот ўрнида: аввалроқ октябрь ойида Ҳиндистон ва Непалда кучли ёмғир сабаб бўлган сув тошқинлари ва кучли кўчкилар оқибатида умумий ҳисобда 200 га яқин одам ҳаётдан кўз юмганди.
Эслатиб ўтамиз, Германияда сув тошқини оқибатида 58 киши қурбон бўлгани, АҚШнинг Теннесси штатидаги сув тошқинларида 20 дан зиёд киши, Афғонистонда сув тошқини оқибатида 150 киши ҳамда Покистонда кучли ёғингарчилик туфайли 18 киши ҳалок бўлгани ҳақида хабар берилганди.
Насиба Тўхтаева