Маълум қилинишича, жорий йилнинг 12 октябрь куни Наманган шаҳрида яшовчи, 1987 йилда туғилган фуқаро ариза билан мурожаат қилган. Шу кунга ўтар кечаси номаълум шахс маҳалласида жойлашган савдо дўконига эшик қулфини калит танлаш йўли билан очиб кирган.
Қайд этилишича, дўконда бўлган умумий нархи 1.200.000 сўмлик 4 қоп картошка вa 4 яшик газли сувларни ўғирлаб кетганини маълум қилиб, чора кўришни сўраган.
Янги Наманган тумани ИИБ бошлиғининг ўринбосари вa ЖҚБ тезкор вакиллари томонидан олиб борилган тезкор-қидирув ҳамда суриштирув ҳаракатлари натижасида ушбу жиноятни Наманган шаҳрида яшовчи 2000 йилда туғилган, Наманган шаҳар Давлатобод туманида яшовчи, 1999 йилда туғилган Наманган шаҳрида яшовчи, 2003 йилда туғилган, Наманган шаҳрида ота-онаси қарамоғида яшовчи, 11-синф ўқувчиси, 2004 йилда туғилган ва Наманган шаҳрида яшовчи, 2001 йилда туғилган фуқаролар содир этгани маълум бўлди.
Ушбу ҳолат бўйича 2021 йил 13 октябрь куни Наманган шаҳар ИИО ФМБ ҳузуридаги Тергов бўлинмаси томонидан Жиноят кодексининг 169-моддаси 2-қисми билан жиноят иши қўзғатилган.
Аввалроқ Тошкентда банкоматни бузиб, ичидан 165 млн сўм ўғирлаган шахс ушлангани, Жиззахда фирибгар ўз дўстининг 3500 АҚШ долларини ўмаргани, ижтимоий тармоқлар орқали фуқарони обрўсизлантирмоқчи бўлган шахсга жиноий иш қўзғатилгани ҳақида ҳақида хабар берилганди.