“Сирдарё” дарёсида 26 ёшли фуқаро чўкиб кетди
Поп тумани “Мирзаорол” маҳалла фуқаролар йиғини ҳудудидан оқиб ўтувчи “Сирдарё” дарёсида 26 ёшли фуқаро чўкиб кетди. Бу ҳақда вилоят фавқулодда вазиятлар бошқармаси хабар берди.
Унда айтилишича, Наманган вилояти Поп тумани “Уйғур” маҳалла фуқаролар йиғинида яшаган, 1995 йилда туғилган A.Д. исмли фуқаро жорий йилнинг 15 сентябрь куни тушликдан сўнг ўзини эҳтиётсизлиги оқибатида дарёга тушиб, чўкиб кетган.
Воқеа жойига зудлик билан вилоят фавқулодда вазиятлар бошқармаси Қутқарув отрядининг сувда қидирув-қутқарув гурухи ҳамда Поп туман фавқулодда вазиятлар бўлими ёнғин-қутқарув гурухи етиб борган. Дастлабки сув ости ва сув усти қидирув-қутқарув ишлари олиб борилган.
Ҳозирда ҳам қидирув-қутқарув ишлари давом эттирилмоқда.
Эслатиб ўтамиз, аввалроқ Наманганда каналга чўкиб кетган 10 ёшли боланинг жасади топилганди. Шунингдек, вилоятда “Nexia” бошқарувини йўқотилиши сабабли каналга тушиб кетганди.
Баҳринисо Мадумарова
