Saakashvili qamoqxonadan maktub yo‘lladi
Qayd etilishicha, Gruziyaning sobiq prezidenti Mixail Saakashvili qamoqxonadan yana bir xat yozdi. Unda o‘tgan mahalliy saylovlarda yaxshi natijalar qayd etilgani aytiladi. Shuningdek, Saakashvili qurolli do‘stlarini ikkinchi “raund”ga, “kurash”ga chaqirgan.
Xatni uning advokati David Sadzaglishvili sobiq prezident tarafdorlari orasida o‘qib eshittirgan.
2-oktabr kuni Gruziyada mahalliy o‘zini o‘zi boshqarish organlariga saylovlar bo‘lib o‘tdi. Ayrim shaharlarda, jumladan, Tbilisida, saylovning ikkinchi bosqichi o‘tkaziladi. Sababi, nomzodlardan hech biri kerakli miqdordagi ovozni olmagan. Ikkinchi turga Saakashvili asos solgan hukmron "Gruziya orzusi" va muxolifatdagi Milliy harakatdan nomzodlar kiritiladi.
Avvalroq Yevropa Ittifoqi Gruziyani Saakashvili masalasida bosiqlikka chaqirgani, Gruziya bosh vaziri Mixail Saakashvili vatanga qaytsa tezda qamoqqa olinishini aytgani haqida xabar qilingandi. Shuningdek, Gruziyaning sobiq prezidenti mamlakatga qaytganini bildirgani, qamoqxonada ochlik eʼlon qilgani maʼlum qilingandi.
Cho‘lponoy Ahmedova
