Ijtimoiy tarmoqlar orqali fuqaroni obro‘sizlantirmoqchi bo‘lgan shaxsga jinoiy ish qo‘zg‘atildi
Bosh prokuratura huzuridagi Departament hamda IIVing Navoiy viloyati boshqarmalari tomonidan tezkor tadbir o‘tkazildi.
Fuqaro D.X. boshqa bir fuqaro N.ning qadr-qimmati va obro‘siga putur yetkazishi mumkin bo‘lgan fotosurat va videolarni internet ijtimoiy tarmoqlarida tarqatib yuborish bilan qo‘rqitgan.
Buning evaziga undan tovlamachilik yo‘li bilan 30 million so‘m talab qilgan. Oqibatda, D.X. elektron to‘lov tizimi orqali tanishi D.ning plastik kartochkasiga 29,7 million so‘m o‘tkazgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 165-moddasi (tovlamachilik) bilan jinoyat ishi qo‘zg‘atilgan.
Eslatib o‘tamiz, bundan avval Toshkentda Telegram'da soxta guruh ochib, odamlarni aldagan shaxslar aniqlangani va virtual firibgar qo‘lga olingani haqida xabar berilgandi. Shuningdek, Facebook‘da Shavkat Mirziyoyev nomi bilan soxta akkaunt ochib firibgarlik qilgan shaxs aniqlangandi.
Cho‘lponoy Ahmedova
