Samarqand viloyati Urgut tumanida 31 dekabr kuni erkak qo‘shnisini kelishmovchilik sabab boshiga bolta bilan urib o‘ldirgan.
Aniqlanishicha, shu tumandagi "Dehqonobod dehqon bozori" yaqinida 30 yoshli erkak b.X. qo‘shnisini bolta bilan bosh va bo‘yin sohasiga ikki marotaba urib, uning hayotiga zomin bo‘ldi. Maʼlum bo‘lishicha, ular o‘rtasida avvaldan kelishmovchiliklar bo‘lgan.
Shifokorlar tomonidan ko‘rsatilgan tibbiy yordamga qaramay, jabrlanuvchi 3-yanvar kuni vafot etgan.
Mazkur holat yuzasidan Urgut tumani prokuraturasi tomonidan Jinoyat kodeksining 25-(Jinoyatga tayyorgarlik ko‘rish va jinoyat sodir etishga suiqasd qilish), 97-moddasi (Qasddan odam o‘ldirish) 1-qismi bilan jinoyat ishi qo‘zg‘atilgan. Gumonlanuvchi protsessual tartibda ushlangan.
Eslatib o‘tamiz, avvalroq MIB xodimiga bolta ko‘targan rais jazolangani, Qamashida 17 yoshli qiz qo‘shni yigitni 29 marotaba pichoqlab, o‘ldirgani hamda Andijonda aka o‘gay ukalarini chopib tashlagani haqida xabar berilgandi.