Қашқадарёда “Қирғиз кино кунлари” бўлиб ўтди
Давлатимиз раҳбари ташаббуси билан қайта тикланган ва Кинематография агентлиги томонидан ўтказилган “Ипак йўли дурдонаси” XIII Тошкент халқаро кинофестивалида “Хориж кино кунлари” дастури бўйича кеча Қашқадарё вилояти Шаҳрисабз шаҳрида “Қирғиз кино кунлари” ўтказилди.
Кинематография агентлиги ахборот хизматининг хабар қилишича, унда томошабинлар учун “Песнь древа” (реж. Айбдек Дайирбеков), “Босогоний бегун” (реж. Мирлан Абдукаликов) номли қирғиз фильмлари намойиш этилди.
Қайд этилишича, намойишлардан сўнг қирғиз делегациясидаги киноижодкорлар билан ижодий суҳбатлар ташкил этилди.
Халқаро делегацияларга таниқли ўзбек киножодкорлари ҳамроҳлик қилишди.
Ҳамкор ҳомийлар: “O‘ZBEKTELEKOM”, “O‘zdonmahsulot” AK, “O‘zpromstroybank” ATB, “Ipoteka-bank” ATIB, “Asakabank” AJ, “O‘zbekiston temir yo‘llari”, “Hududgazta’minot”, “UzAuto Motors” AJ, “O‘zmetkombinat” AJ, “Milliy bank” AJ, “Farg’onaazot” AJ, “Eriell”, “Bosch” TM, “Easy Booking”.
Аввалроқ Тошкент халқаро кинофестивалининг тантанали ёпилиш маросими бўлиб ўтгани, "Ўзбекфильм" биносида таниқли француз актёри Жерар Депардье ва француз кинорежиссёри Люк Бессон билан ижодий учрашув ўтказилгани, шу билан россиялик киноижодкорлар томонидан суратга олинган "Девятаев" бадиий фильми кино ихлосмандлари эътиборига ҳавола қилингани, "Danmon Group" компанияси билан келишув имзолангани, “Кино 5 кунда” танловида суратга олинган фильмлар намойиш этилиши, Ўзбек ва рус тилларида фаолият олиб борувчи юқори сифатли фильмлар ва сериаллар намойиш этиладиган онлайн кинотеатр яратилгани, бундан ташқари, “Меҳр” операциясига бағишланган фильм премьераси бўлиб ўтгани, Паралимпиада ўйинларида иштирок этган ўзбек қизи ҳақидаги фильм намойиши ҳамда Тошкент халқаро кинофестивалининг “Жаҳон киноси кунлари” дастурини эронлик режиссёр Иброҳим Мухторийнинг “Ҳаёт варақлари” фильми бошлаб бериши ҳақида хабар берилганди.
