Саакашвили қамоқхонадан мактуб йўллади
Қайд этилишича, Грузиянинг собиқ президенти Михаил Саакашвили қамоқхонадан яна бир хат ёзди. Унда ўтган маҳаллий сайловларда яхши натижалар қайд этилгани айтилади. Шунингдек, Саакашвили қуролли дўстларини иккинчи “раунд”га, “кураш”га чақирган.
Хатни унинг адвокати Давид Садзаглишвили собиқ президент тарафдорлари орасида ўқиб эшиттирган.
2 октябрь куни Грузияда маҳаллий ўзини ўзи бошқариш органларига сайловлар бўлиб ўтди. Aйрим шаҳарларда, жумладан, Тбилисида, сайловнинг иккинчи босқичи ўтказилади. Сабаби, номзодлардан ҳеч бири керакли миқдордаги овозни олмаган. Иккинчи турга Саакашвили асос солган ҳукмрон "Грузия орзуси" ва мухолифатдаги Миллий ҳаракатдан номзодлар киритилади.
Аввалроқ Европа Иттифоқи Грузияни Саакашвили масаласида босиқликка чақиргани, Грузия бош вазири Михаил Саакашвили ватанга қайтса тезда қамоққа олинишини айтгани ҳақида хабар қилинганди. Шунингдек, Грузиянинг собиқ президенти мамлакатга қайтганини билдиргани, қамоқхонада очлик эълон қилгани маълум қилинганди.
Чўлпоной Аҳмедова
